“Xäläl kürgäzmäse” bıyıl Törkiyädä

Dön’yanıñ iñ zur häm näticäle “Xäläl kürgäzmäse” bıyıl Törkiyädä ütäçäk. İldä küptän tügel genä tözelgän Xäläl akkreditaśiyä oyışması xalıqara arenada üzen tanıta başlıy. Bu anıñ dön’ya külämendä berençe vitrinası bulaçaq.

Oyışma 4 trillion dollarlıq xäläl azıq-tölek bazarındağı akkreditaśiyä xezmätendä üzäk häm äydäp baruçı bulırğa niyätli.

Kürgäzmä ilbaşı Räcäp Tayyip Ärdoğannıñ ximayäsendä 29nçı noyabr’dän - 2nçe dekabr’gä qadär İstanbulda uzaçaq. Anda 70kä yaqın däwlättän oyışma häm şirkät wäkilläre, ğalimnär, êşmäkärlär qatnaşaçaq.

Kürgäzmädä 250dän artıq citeşterüçeneñ tovarın kürergä mömkin bulaçaq. Bu, älbättä, berençe çirättä - azıq-tölek. Ämma täq’dimnär monıñ belän genä çiklänmi. Kürgäzmädä finans, turizm, kosmetika, törü materialları, maşina, dini yäşäw häm moda şikelle küp kenä tarmaqlarda êşläwçe şirkätlär qatnaşaçaq.