1 milliard 600 million dollarlıq otış
AQŞta bügengä qadär lotereyada çıqqan iñ zur otış iğ'lan itelde
1074843
Amerika Quşma Ştatlarında lotereya uyını Mega Millionda 1 milliard 600 million dollarlıq rekord otış Kön’yaq Karolinada satılğan biletqa çıqtı. Kiçä kiç yasalğan uynatuda ul biletnıñ 6 sanı da turı kilgän.
Monıñ bügengä qadär lotereyada çıqqan iñ zur otış buluın söylilär. Bäxetle otuçınıñ isemen açıqlawnı ışandırmıylar. Kön’yaq Karolina - lotereyada qazanuçılarnıñ isemnären yäşerep tota aluçı ştatlarnıñ berse.
Zur otışnı 29 yılda öleşlärgä bülep alunı da saylarğa bula. Ämma nişläpter barlıq otuçılar aqçanı ber’yulı alunı östen kürä. 1 milliard 600 million dollarlıq otış ber’yulı tülängändä salım alınğannan soñ 913 million dollar qala.
