Hawa yulı şirkӓtläre bölgenlekkӓ töşä

Awrupada soňğı 5 atnada tübӓn üzqimmӓtle 5 hawa yulı şirkӓte ber-ber artlı bölgenlekkӓ töşte.

Germaniyaneň Azur Êir hӓm Smol Planet, Bel’giyaneň VLM hӓm Şveyŝariyaneň Skayvork Êirlayns hawa yullarınnan soň xӓzer dӓ Daniya-Latviyaneke bulğan Primera Êir bankrotlıkka yulıqtı.

2003 yılda qorılğan Primera Êirnıň 9 oçqıçı bar ide hӓm soňğı itep Tön’yaq Amerikağa sӓfӓr başqara ide.

Sentӓbr’ ayı azağında rӓsmi bularaq bölgenlekkӓ töşüen açıqlağan Azur Êirnıň soňğı itep Boeing 737 oçqıçı belӓn êşlӓwe belenӓ.

Bel’giyale VLM ber oçqıç belӓn oça ide. Avgust azağında êşçӓnleklӓren tuqtatqan VLM Êirlayns barlıq oçqıçlarınnan waz kiçep, ber Fokker 50ne üzendӓ qaldırğan ide.

Şirkӓt bankrot bulğannan son anı başqa oçırmadı.

Şveyŝariyale Skayvork Êirlayns yӓnӓ avgust azağında êşçӓnleklӓren tuqtatıp, 11 meň yulçını awır xӓldӓ qaldırdı.