Törek çäyen ni öçen yaratalar?

Törkiyädä bıyıl oktyabr’gä qadär çit ilgä 8 million 309 meñ dollarlıq çäy satılğan. Rizägä anıñ 4 million 285 meñ dolları turı kilä. Çäy êksportı buyınça ul ildä berençe urında.

Könçığış Qara diñgez töbäge êksportçılar berlege idaräse başlığı Saffet Kalyoncu beldergänçä, Törkiyä dön’yada çäy citeşterüçelär arasında 5nçe bulıp bara. Annan iñ kübe Awrupa Berlege illäre çäy satıp ala. Törek çäyeneñ östenlege - ximik daru häm östämä matdälär qullanılmıyça citeşterelüe.  Saffet Kalyoncu 9 ayda ildän 2 meñ 35 tonna çäy çığarıluın söyli.