Ciläklärgä ênä quyuçı tabıldı

Avstraliyädä ciläk citeşterü tarmağın krizisqa kertüçene êläkterdelär. Sidney şähärendä ber ir bala ciläklär êçenä ênä quyuın äytte. Ul monı şayartu maqsatınnan êşläwen belderde.

Yaña Kön’yaq Uêl’s töbäge iminlek bülege mödire urınbasarı Styuart Smit bu turıda: “Niyäte nindi genä bulmasın, bu bik citdi näticälärgä kiterä alır ide. İr balanıñ ber törkem şayaru, şul isäptän ciläklär êçenä ênä quyu belän mawığuın açıqladıq. Anıñ üz-üzen totışı yäş’lärne kisätü sisteması qısalarında bäyälänäçäk,”-dide. Ul azıq-tölekkä zarar birüçelärgä qanun nigezendä 10 yılğa qadär törmä yanawın belderde.

Ênäle ciläk krizisı uzğan atnada Kvinslend töbägendä başlandı. Ber keşe supermarkettan alğan ciläkne aşağannan soñ êçe awırtıp xastaxanägä möräcäğat’ itte. Häm şunnan soñ ênäle ciläklär Viktoriya, Könbatış Avstraliyä, Yaña Kön’yaq Uêl’s häm Tasmaniya töbäklärendä tabıldı. Kibet kiştälärennän ciläklärne kire cıyıp aldılar. Bu tarmaqqa zur krizis belän yanadı.

Êçke êşlär ministrlığı mäğ’lümatlarına qarağanda, Avstraliyädä xäzergä qadär 100 keşe ênäle ciläkkä tap bulğan.