Ruhsar Päkcan Argentinada

Törkiyä säwdä ministrı Ruhsar Päkcan Argentinada. Ul G20 utırışları qısalarında uzuçı Säwdä häm investiśiyä ministrları cıyılışında Törkiyäne wäkillek itä.

Räsmi säfäre waqıtında ul Awrupa Berlege komissiyäseneñ säwdä buyınça cawaplı äğ’zası Sesiliya Mal’mstrom belän oçraştı. Anda Angliyäneñ ABdan çığuınnan soñ Tamğaxanä (tamojnya) Berlege kileşüen yañartu turında süz bardı. Ministr fikerençä, bu iq’tisadi häm säwdä mönäsäbätlären üsterü öçen forsat. Monnan tış, Päkcan “Xalıqara säwdädä könüzäk üzgäreşlär turında G20 dialogı”nda da qatnaşaçaq.

Törkiyä ministrınıñ Soğud Ğaräbstanı, Hindstan häm Niderland säwdä ministrları belän ikeyaqlı oçraşular ütkärüe kötelä.