Çilidä poliêtilen paketlar qullanunı tıydılar
Qanun qısalarında, keçkenä kibetlär 2 yıl, zur marketlar 6 ay êçendä poliêtilen paketlar qullanuğa çik quyarğa tiyeş
1025889
Çilidä poliêtilen paketlar qullanunı tıydılar. Ul Kön’yaq Amerikada mondıy adımğa barğan täwge däwlät buldı.
BiBiSi xäbärenä qarağanda, Çilidä poliêtilen paketlar qullanunı tıyu turındağı qanun kongressta qabul itelde häm däwlät başlığı Sebastian Pinera tarafınnan uñaylandı.
Qanun qısalarında, keçkenä kibetlär 2 yıl, zur marketlar 6 ay êçendä poliêtilen paketlar qullanuğa çik quyarğa tiyeş. Aña qadär här satıp aluçığa küp digändä 2 paket birü şartı quyıla. Qanunnı bozuçılarğa 370 dollar ştraf qaralğan.
Pinera bu qanunnıñ Çilinı tağın da çista ilgä äwerelderäçäk möhim adım buluın assızıqlıy. “Här närsä qullanılıp ber poçmaqqa atıluçı qullan-at tärtiben taşlap êşkärtep qabat qullanuğa küçärgä telibez,”-dide ilbaşı.
