AQŞ ilçelege äyberlären aukśionda sata

AQŞnıñ Londondağı ilçelege watıq tuzan suırtqıçlarınnan başlap tualet qäğazenä qadär aukśionğa çığara. Wäqalätle oyışma Voksxolldağı milliard dollarlıq yaña binasına küçkännän soñ internettan satış başladı. Alar êlekkege êş cirendä satıp alınğan häm kiräge qalmağan barlıq äyberlären aukśionğa quydı. Bolar tarixi qıymmäte bulmağan häm östenä AQŞnıñ räsmi işaräte quyılmağan tovarlar. İsemlektä - watılğan êlektr cihazları, 1200 danä tualet qäğaze, 2007nçe yılğı Volvo maşinası bar. Avtomobil’neñ başlangıç bäyäse 8 meñ 427 dollar. Ä menä ber paket tualet qäğazenä 199 dollar sorıylar. Cirle gazeta yazğança, ilçelektä êşläwçe beräw alarnıñ iñ yuğarı standartlardan da sıyfatlı buluın äytkän.  Satıp alırğa teläwçelärdän möräcäğat’lär 8nçe avgustqa qadär alına.

AQŞ arendalağan êlekkege ilçelek binası Katarnıñ küçemsez milek şirkäte xisabında. Oyışma xäzer anda qunaqxanä yasarğa planlaştıra.