Êksportta persik berençe

Törkiyädän Rusiyägä 1 ğinwar – 16 iyul’ könnärendä 337 million 736 meň 532 dollarlık yaňa ölgergän yäşelçä häm ciläk-cimeş satıldı.

Könçığış Qara diňgez êksportçılar berlege mäğlümatlarına kürä bu çorda yaňa ölgergän ciläk-cimeş häm yäşelçä êksportı uzğan yılnıň şul uq çorına kürä miqdarda 44%, qimmättä isä 64%ka artıp, 337 million 736 meň 532 dollarğa citte.

Rusiyägä yaňa ölgergän ciläk-cimeş häm yäşelçä êksportında 47 meň 542 tonna belän şeftalu yägni persik berençe urında.

Bu ilgä 1 ğinwar-16 iyul’ könnärendä başqarılğan persik êksportınnan 47 million 374 meň 906 dollarlık kerem täêmin itelde.

Uzğan yılnıň şul uq çorında Rusiyägä 34 meň 371 tonna şeftalu satılıp, 37 million 204 meň 915 dollar qazanıldı.