Törek töçe çiyäse Aziya bazarında

Sıyfatı häm xuş ise belän dön’ya bazarında üzenä urın alğan, ayıruça awrupalılar tarafınnan bäyälänüçe törek töçe çiyäse öçen Tayvan’nan delegaśiyä kiläçäk. Yaqınça 8 yıllıq êşçänlektän soñ uzğan cäy töçe çiyä Qıtay bazarına kertelä başladı. Çiratta-Tayvan’. Uludağ yaña ölgergän ciläk-cimeş häm yäşelçä êksportyerları berlege başlığı urınbasarı Sänih Yazğan beldergänçä, Tayvan’ delegaśiyäse citeşterü mäydannarın, saqlaw urınnarın tikşeräçäk. Monnan tış, Qıtaydan töçe çiyä belän bäyle söyläşülär öçen Törkiyägä tağın ber delegaśiyä kiläçäk.

Sänih Yazğan kiläçäk delegaśiyälärneñ Törkiyä töçe çiyäsenä mönäsäbäteneñ bik yaxşı buluın assızıqladı.

“Tayvan’da bu qızıl cimeşne bik oxşatalar. Töçe çiyä büläk paketlarına tutırılıp satuğa çığarıla. Keşelär ber cirgä qunaqqa kitkändä büläk bularaq töçe çiyä alıp, xucalarnı şatlandıra,”-di Yazğan. Ul Qıtayğa cibärä alğan tovarnı Tayvan’ğa da cibärüneñ awırlığı bulmawın belderä.