Franśiyada êş taşlawlarnıñ naçar täêsire

Franśiyadağı êş taşlawlar turizmğa naçar täêsir itte. Bu sektordağı yuğaltu 20% dip isäplänelä. Franśiya timer yulları idaräse häm milli hawa yulı şirkäte Êyr Frans xezmätkärläreneñ rizasızlıq çaralarınıñ yoğıntısı ilneñ kön’yaq häm könbatış töbäklärendäge yal itü urınnarına köçle buldı. Turistlarnıñ biletların ğamäldän çığaru häm yal itärgä kilüdän baş tartuları däwam itsä, yuğaltular tağın da artaçaq. Turizm tarmağındağılar xäzer cäy ayları öçen borçıla. Alarnıñ êşläre 2 yıllıq torğınlıqtan soñ kütärelä başlağan ide. Êş taşlawlardan küñel açu häm restoran biznesı ğına zarar kürep qalmıy, Franśiyanıñ çit illär qarşındağı imidjı da betä.

Rizasızlıq çaralarınıñ cäy buyı däwam itüe yäki itmäwe turında qarar bu atna êçendä ütärgä tiyeşle söyläşülärdän soñ bireläçäk.

Xökümätneñ reforma proyıktına qarşı çığuçılar 23nçe martta êş taşladı. Çara iyün’ ayı axırına qadär baraçaq. Êş taşlaw atnanıñ bilgele könnärendä ğamälgä aşırıla. Här mondıy kön 20 million yevro zarar kiterä.

Êş şartlarının yaxşıruın häm xezmät xaqınıñ 6%qa artuın taläp itüçe Êyr Frans xezmätkärläreneñ êş taşlawı säbäple xalıqara oçışlarnıñ 35%ı ğamäldän çığarıldı.

Timer yulı häm hawaçılıq tarmaqlarında rizasızlıq çarası bügen häm irtägä däwam itäçäk. İkeseneñ dä ber ük köngä turı kilüe ildä transport qıyınlıqları tudıra häm monnan şirkätlär bik zur zarar kürä.  

Franśiya İq’tisad ministrı Bruno Le Mêr bu rizasızlıq çaralarınıñ tiskäre yoğıntısı kürenä başlawın häm artuğa kitäçägen belderde.