Änkara-İzmir arası 3 säğät yarımda

Törkiyä transport, diñgezçelek häm êlemtä ministrı Äxmät Arslan Änkara- İzmir arasın 3 säğät yarımğa azaytaçaq tiz yöreşle poyezd liniyasınıñ Änkara-Uşak öleşeneñ 2019nçı yıl axırına qadär tämamlanaçağın äytte.

Äxmät Aslan yuğarı tiz yöreşle poyezd çeltären ilneñ böten cirenä cäyelderü öçen êşçänlek alıp baruların belderde.

Änkara-İzmir arasında salınuı däwam itkän yuğarı tiz yöreşle poyezd liniyasınıñ Uşaktağı tözeleşen qarawçı ministr Arslan: “Änkara-İzmir arası timer yul belän yaqınça 14 säğät däwam itkän säyäxät waqıtı 3 säğät yarımğa azayğan bulaçaq. Uşaknı nigez itep alsaq, Uşak İzmir arası 1 säğät yarım, Uşak Ankara arası da 2 säğät däwam itäçäk. İnşallah, maqsatıbız 2019nçı yıl axırınnan êlek Polatlı Afyonkarahisar Uşakka qädär bulğan öleşen xezmätkä täq’dim itü häm annan soñ monı İzmirgä qadär beterü,” – dip äytte.