Rusiyä “Törek ağımı”ın Awrupağa citkerergä äzer”
Rusiyä Tışqı êşlär ministrı Sergey Lavrov Bryussel’ kiräkle garantiyalarnı birgän oçraqta “Törek ağımı” tabiği gaz ütkärgeçen başqa Awrupa Berlege illärenä citkerergä äzer buluların äytkän
Awrupa êşxanälär berlege wäkillärenä möräcäğät itüçe Lavrov: "“Törek ağımı”nıñ ikençe öleşeneñ Awrupa Berlege cirlärenä ozınaytıluı – Kön’yaq häm Kön’yaq-könçığış Awrupa illäreneñ arta baruçı soraw-taläben qanäğätländerä ala. Küp sanda Awrupa Berlege ileneñ moña zur iğtibar kürsätüen küräbez häm bez moña äzer”, - dip beldergän.
Läkin “Kön’yaq ağım”da yäşängän tiskäre täräqqiyätlär belän täcribä qazanuların assızıqlawçı Lavrov şuña kürä “Törek ağımı”n Awrupa Berlege illärenä citkerelüe êşçänlegenä Bryussel’dän ışanıç alğannan soñ başlayaçaqlarına basım yasadı.
Rusiyädän başlap Qara diñgez aşa Törkiyägä citkerelüe planlaştırılğan tabiği gaz ütkärgeçe proyektınıñ iseme bulğan “Törek ağımı” qısalarında Törkiyäneñ ber yılda 15 milliard 75 million kub metr tabiği gaz aluı häm qalğan 15 milliard 75 million kub metrnıñ Awrupağa êksportlanıluı küzdä totıla.
Bäyläneşle xäbärlär
Akvakul'tura balıqçılıq tarmağında rekord
Uzğan yıl mondıy ısul belän balıq citeşterü sizelerlek artqan
