“Törkiyä turizm tarmağında dön’yada 6 nçı, Awrupada 4 nçe urında”

Törkiyä mädäniyat häm turizm ministrı Nabi Avcı başqalada däwam itüçe 9 nçı tulı wäqalätle ilçelär konferenŝiyäsendä yasağan çığışında Törkiyäne tanıtuğa öleş kertkän öçen ilçelärgä räxmätlären citkerde.  

Avcı Törkiyäneň turizm tarmağında Rusiya, Angliya häm Germaniya bazarları belän genä çiklänep qalmıyça başqa bazarlarğa da yünälüe kiräklegen belderde.

Navi Avcı bazarlar arasına Angliya, Rusiya belän berrättän Yaponiya,Hindıstan,Tön’yaq Awrupa,Latin Amerikası häm ğaräp illären dä östärgä tırışuların assızıqladı.

Mädäniyat häm turizm ministrı:”Törkiyä turizm tarmağında dön’yada 6 nçı, Awrupada 4 nçe urında. Berençe öç urınğa kermäw öçen bernindi säbäp yuq. Asqormabız moňa turı kilä. Östenleklärebez buluın bez dä, köndäşlärebez dä bik yaxşı belä”,- dide.

Nabi Avcı taw turizmı, sälamätlek saqlaw turizmı, dini miras urınnarı häm gastronomiya poteŝialın tanıtu belän bergä bay törek mädäniyatın tağın da aktiv räweştä tanıtu kiräklegenä basım yasadı.