Törkiyäneñ êlektr importı azayğan

Törkiyäneñ êlektr import ğinwar-sentyabr’ aylarında uzğan yılnıñ şul uq çorına qarağanda 30%qa azayğan.

Uzğan yılnıñ ğinwar-sentyabr’ aylarında Greśiya, Bolgariya, Görcestan (Gruziya), Ğiraq (Ğıyraq) häm İrannan säğätenä tuplam 4 milliard 654 million 21 meñ kilowatt êlektr satıp alındı.

Bıyıl şuşı çorda Greśiya, Görcestan (Gruziya), Bolgariya häm Azärbaycannan alınğan êlektr miqdarı isä säğätenä 3 milliard 244 million 448 meñ kilowattka töşkän.

Uzğan yılnıñ ğinwar-sentyabr’ aylarında êlektr importı öçen 290 million 417 meñ dollar tülängän bulsa, bıyıl şul uq çorda bu san 46%qa azayıp, 155 million 801 meñ dollarğa kimede. Bu räweşle şuşı çorda 134 million 616 meñ dollar ildä qaldı.

Soñğı waqıtlarda êlektr êşläp çığaruda cirle häm yañartıla alınğan ênergiya çığanaqlarına östenlek birelüe êlektr importınıñ azayuında täêsirle buldı.