Törkiyä avtomobil tarmağı rekordqa taba bara

Awrupa yullarında qullanılğan 100 säwdä transporttan 65-e häm 100 avtomobildän 22-se törek malı.

Törkiyä ihracatınıñ lokomotiv sektorı,  avtomobil tarmağı 2016nçı yılında tarixı yıllardan bersen yäşäp häm eksportta rekordqa taba bara.

Törkiyä, Yaponiya, Könyaq Koreya häm Amerika Quşma Ştatlarını uzıp Awrupa Berlegenä iñ küp avtomobil tarmağınıñ eksportın itkän il titulın aldı.

Avtomobil sänäğät cämğiyäte başlığı Kudret Önen berençe 9 ayda avtomobil citeşterüe, yılnıñ axırın kötmiyçä, berençe tapqır 1 million danäsennän artıq buluın belderep:

 “Dönyada citeşterü 2%qa artqanda, Törek avtomobil sänäğätendä citeşterü 6% artış belän 1 million 33 danägä ireşte. Eksport da 13%qa üsep 797 meñ danägä citte. Ayıruça yañä avtomobil proyektları citeşterü häm eksportta dopping buldı”,dide.

Citeşterü häm eksportta bıyıl rekord  quyılaçağınıñ  möğcizasın birgän OSD başlığı:

“Eksportta 1,1 millionğa ireşeçäkbez. Citeşterü dä 1 million 450 meñ danä belän yuğarı kütäreläçäk. Tuplam eksportıbız 22,5-23 milliard dollar bulaçaq. Avtomobil tarmağı Törkiyäneñ eksport isemlegendä 11 yıldır liderlığın saqlap tora”,digän süzlärne qullandı.

Kudret Önen törek avtomobil tarmağınıñ soñğı çorda çınğa aşırğan 5 milliard dollarlıq investiśiya belän zur adım yasağannarın häm ABnıñ 1 nomerlı säwdä urtağı titulın alırğa buldırğannarın citkerde.

Törkiyäneñ ABgä iñ küp avtomobil  eksportı  yasağan il  wazğiyätenä kilgänen beldergän Önen:

“Säwdä transportta da açıq ara lider bulıp torabız. AB yullarındağı här 100 säwdädän 65-e Törkiyädän kitä”,dip söyläşte.