Törkiyädän Rusiyägä azıq-tölek êksportı qabat başlanırmı?

Rusiyä Federaśiyäse İlbaşı yärdämçese Yuriy Uşakov İlbaşı Räcäp Tayyip Ärdoğan belän Vladimir Putin arasındağı oçraşu waqıtında Törkiyä azıq-tölek êşlänmäläreneñ importına qabat başlaw mäs’äläseneñ quzğatılaçağın äytkän.

İlbaşı yärdämçese Uşakov Törkiyä İlbaşı Ärdoğan häm Rusiyä Däwlät başlığı Putinnıñ 9nçı avgustta Peterburg qalasında ütkäräçäk oçraşuğa qağılışlı açıqlawlar yasağan.

Uşakov Rusiyäneñ çikläwlär kitergän törek azıq-tölek êşlänmäläreneñ importına qabat başlawnıñ oçraşuda qarap çığılaçaq mäs’älälärneñ berse buluın beldergän.

Törkiyä iqtisad ministrı Nihat Zäybäkci dä uzğan atnada Mäskäwgä yasağan säfäre waqıtında Rusiyäneñ sankśiya qullanğan törek azıq-tölek êşlänmälärenä qarata çikläwlärneñ beterelüe belän bäyle söyläşülär ütkärüen açıqlağan ide.