Qıtay Könyaq Aziyağa yünälä
Qıtay Könyaq Aziya illäre belän mönäsäbätlären üsterüne tizlätä.
509730
4nçe Qıtay-Könyaq Aziya yärminkäse Qıtaynıñ Yunnan vilayäteneñ üzäge Kunming şähärendä başlağan.
Yärminkäneñ açılışında çığış yasawçı Qıtay Premyer-ministr urınbasarı Vo Yan ileneñ Könyaq Aziya illäreneñ töp säwdä urtağına häm möhim kapital salu çığanağına äylänüen äytkän.
Vo Yan Könyaq Aziyanıñ da Qıtaynıñ möhim çit il tözeleş bazarlarınnan berse buluına iğtibarnı yünältkän.
Qıtay Premyer-ministr urınbasarı Vo Yan ileneñ Könyaq Aziya illäre belän irekle säwdä töbägen salunı tizlätergä häm bu illärdän importnı arttırırğa äzer buluına da basım yasağan.
Könyaq Aziya illäreneñ uzğan yılğı iqtisadi üseş tizlegeneñ 6,9% buluın äytüçe Vo Qıtay şirkätläreneñ Könyaq Aziyadağı citeşterü köçen arttırunı yaqlawların assızıqlağan.
