"Törek ağımı” proyektınnan waz kiçmädek”

Rusiya Federatsiyäse däwlät başlığı Vladimir Putin Rusiya gazın Törkiyä aşa Awrupağa qudırunı maqsat itep itep quyuçı “Törek ağımı” proyektınnan waz kiçmäwlären beldergän.

Kremldä İzrail premyer – ministrı Binyamin Netanyaxu belän küreşep söyläşkän Vladimir Putin urtaq matbuğat oçraşuında Törkiyä –Rusiya mönäsäbätlärenä dä tuqtalğan.

Putin:”Törek ağımı” tabiği gaz ütkärgeçe proyektınnan waz kiçmädek. Ämma Törkiyä belän qayber säyäsi problemalarıbız bar. Şulay uq Awrupa komissiyäseneñ älege proyekt belän bäyle totışınıñ da anıqlanuı zarur. Bu älegä töğäyen bilgele tügel”,-digän.

Rusiyanıñ “Gazprom” şirkäte Törkiyägä satqan tabiği gazğa elegräk kileşü tä’min itelgän 10%lıq taşlamanı kileşüdä çağıldırmaw säbäple “Törek ağımı” proyektında alğarış tä’min itelmägän ide.

Törkiyä hawa kiñlegen bozğan Rusiya xärbi oçqıçınıñ 24 nçe noyabrdä bärep töşerelüennän soñ ike il räsmi zatları proyekt belän bäyle söyläşülärneñ tuqtatıluı xaqında belderülär yasadı.