Rusiya xökümäte xezmät xaqların kimetergä uylıy

Rusiyädä xökümät xezmät xaqların ekonomiyäläp däwlät häm şäxsi tarmaqta investitsiyälärne arttırırğa planlaştıra.

Rusiya Federatsiyäse iqtisadi qalqınu  ministrlığınıñ xökümätkä tapşırğan täqdimenä kürä, 3 yıl xezmät xaqların ekonomiyäläp 2019 nçı yıl azağında 4,5%külamendä milli tulayım tabış üseşe maqsat itep quyıla.

Täqdim çınğa aşırılğan oçraqta ildäge fäqirlek däräcäseneñ bıyıl 13,7%,2018 nçe yılda 13,9%qa citüe küzdä totıla.

Belgeçlär isä bu plannıñ krizis däwam itkän il iqtisadına faydadan bigräk zıyanı küp bulacağın belderä.

Mäskäwdäge iqtisadi yuğarı mäktäp dotsentı Anton Tabak xalıqnıñ keremnären kimetüneñ döres häm ışanıçlı strategiya bulmawına basım yasağan.

Mäskäw Yaña iqtisad universitetınıñ finans bülege uqıtuçısı Oleg Şibanov isä kapital salunı arttıru öçen xezmät xaqların kimetkändä qullanunıñ zıyan küräçägen, sotsial stressnıñ artacağın häm bu strategiyäneñ säyäsi cähättan räxät atmosfera tudırmayaçağın assızıqlağan.