AQŞ neft şirkätläre zararda

Amerika Quşma Ştatlarınıñ iñ zur 3 neft şirkäteneñ bıyılnıñ berence çiregendäge çista tabışı häm keremnäre neft bäyäläreneñ töşüe arqasında kimegän.

İlneñ iñ zur neft şirkäte “ExxonMobil”beldergänçä, 2016 nçı yılnıñ berence çiregendäge çista tabış uzğan yılnıñ şul uq däwere belän çağıştırğanda 63%qa kimep 1 milliard 800 million dollar täşkil itkän.

AQŞnıñ ikençe zur şirkäte “Chevron”da ağımdağı yılnıñ berence çiregendä 725 million dollar zarar itkän.

Amerika Quşma Ştatlarınıñ öçençe iñ zur neft şirkäte “ConocoPhillips”ta 2016 nçı yılnıñ berence çiregendä 1 milliar 500 million dollar zarar itüen citkergän.