Rusiyädä fäqirlek artqan
İldä fäqirlek çigendä yäşäwçe keşe sanı 19 million 200 meñgä citkän
456024
Rusiyädä fäqirlek çigendä yäşäwçe keşe sanı soñğı 10 yılnıñ iñ yuğarı däräcäsenä kütärelep 19 million 200 meñgä citkän.
Rusiya Federatsiyäseneñ statistika oyışması (Rosstat) mäğlümatlarına kürä , ildä uzğan yıl fäqirlek çigendä yäşäwçe keşe sanı annan elekke yıl belän çağıştırğanda 3 million 100 meñ keşegä artıp 19 million 200 meñ täşkil itkän.
Älege mäğlümatlardan kürengänçä, ildä xalıqnıñ 13,4%ı fäqirlek çigendä yäşi, Rusiyädä yarlılıq çige isä aylıq 9 meñ 662 rubl dip bilgelängän.
Rusiya Federatsiyäse qalqınu ministrlığı beldergänçä, ildä real sarıf itelä ala torğan kerem dä 2015 nçe yılda annan elekke yıl belän çağıştırğanda 4%qa kimegän.
