"Saylaw näticaläre Törkiyäneñ bilgesenä tä’sir itmäyäçäk"

Kredit bäyäläw oyışması Standart & Poor’s ilbaşı saylawı näticäläreneñ Törkiyäneñ BB+ bulğan kredit bilgesen tä’sirlämäyäçägen açıqladı.

Standart & Poor’stan düşämbe könne yasalğan yazulı açıqlawda: “Premyer-ministr Recep Tayyip Ärdoğan ilbaşı saylawın berençe turda ciñde, anıñ urınına bilgelänäçäk isem yänä Ak partiyadän bulaçaq. Şunıñ öçen Törkiyäneñ makroiqtisad säyäsätendä üzgäreş kötelmi. Bu näticä Törkiyädäge oyışmalarnıñ uñdırışlılığında häm idarä sistemasında da bernindi üzgäreş tudırmayaçaq dip uylıybız,” – dip äytelde.

Açıqlawda Törkiyäneñ kredit bilgeseneñ BB+ bulıp qaluı citkerelgän waqıtta may ayında açıqlanğan xisapta urın alğan tänqitlärneñ qabat küzdän kiçerelä alınaçağı belderelde.

Standart & Poor’s mayda Törkiyäneñ iñ möhim problemasınıñ tışqı tetränülär buluın açıqlağan ide.