Dönyada azıq-tölek bäyäläre töşä
Global bazarlarda azıq-tölek bäyäläre soñğı 6 aynıñ iñ tübän däräcäsendä
Berläşkän Millätlär Oyışması iyül ayındağı uñış artuınıñ bäyälärneñ töşüendä tä’sirle buluın belderä.
Üzäge Rimda urnaşqan BMOnıñ FAO azıq-tölek häm igençelek oyışması uraq öste waqıtındağı uñış artışınıñ kötelüe aşamlıq bazarlarında bäyälärne töşerde.
Bigräk tä aşlıq bäyäläre sizelerlek itep töşep, soñğı altı aynıñ iñ tübän däräcäsenä kimede.
FAO xisabında aşlıq citeşterüeneñ 18 million tonnağa artıp, 2 meñ 498 milliard tonnağa citüe belderelä.
Bu räweşle aşlıq zapasları 5%qa artıp, 576 million tonnağa citte.
2015nçe yılda artış buluın kötüçe FAO aşlıq zapasınıñ 604 million tonnağa citüen isäpli.
Könbatış illäreneñ Rusiyä Federatsiyäsenä qarşı qullanğan embargo belän Rusiyäneñ moña qarşılıq birüe qararınıñ bu sannarda tä’sirle buluı assızıqlana.
