Rusiyägä qarşı sanktsiyälär kiskenläşä
Amerika Quşma Ştatları häm Awrupa Berlege qabul itkän qararların ğämälgä kertä başladı
Sanktsiyälär Rusiyä Federatsiyäseneñ energetika, qoral häm finans industriyälären maqsat itep ala.
Rusiyä isä çikläwlärdän tä’sirlänmäyäçägen alğa sörä.
Amerika Quşma Ştatları İlbaşı Barak Obama Rusiyä iqtisadınıñ töp tarmaqlarına yaña sanktsiyälärneñ kiterelüen belderde.
Obama kiñäytelgän çikläwlär belän Rusiyäneñ energetika, qoral häm finans industriyäseneñ maqsat itep alınuın assızıqladı.
İlbaşı Obama Rusiyäneñ Ukrainadağı totışın däwam ittergän oçraqta duçar bulaçaq bäyälärneñ artaçağın belderde.
Awrupa Berlege äğzase illär dä "öçençe etap” bularaq yörtelgän “cimerüçe iqtisadi sanktsiyälär” kileşüen Rusiyägä qarşı qullana başlıy.
Bryusseldä cıyılğan äğza illärneñ tulı wäqälätle ilçeläre sanktsiyälär isemlegenä kerteläçäk keşelär, şirkätlär ham oyışmalar mäs’äläsendä kileşte.
Yaña sanktsiya qararı Mäskäw citäkçelegendäge däwlät banklarınıñ Awrupadağı kapital bazarlarına kerüen totqarlayaçaq, burıçlanu üzqimmäte arttırılaçaq.
Awrupa Berlege äğzaläre bäyle bulğan Rusiyä tabiği gazınıñ eksportına isä çikläw kitermäde.
Rusiyä Federatsiyäse üzäk bankınnan yasalğan belderüdä sanktsiyalärgä çıdıy alırlıq çığanaqlarınıñ buluı açıqlandı.
Malayziya oçqıçınıñ Ukraina çikläre eçendä bärep töşerelüennän cawaplı buluı uylanılğan Rusiyägä qarşı sanktsiyälärneñ artuı kötelä.
