Uyğır töbägennän Törkiyägä timer yulı

Qıtay citäkçelege Şincan Uyğır üzidaräle töbägennän Törkiyägä barıp citäçäk tiz yöreşle poyezd liniyası öçen 150 milliard dollarnı ayırıp quydı.

Tışqı säwdäse zur külämdä diñgez transportına bäyle bulğan Qıtay tiz yöreşle poyezd proyektın ğämälgä kertergä cıyına.

Şincan Uyğır üzidaräle töbägennän başlanaçaq 6 meñ çaqrım ozınlığındağı timer yulınıñ soñğı tuqtalışı Törkiyä bulaçaq.

Qıtay belgeçläre “Timer yefäk yulı” dip äytüçe proyektqa Pekin citäkçelege bik zur ähämiyät birä, çönki Amerika Quşma Ştatları belän ber rättän bertörkem diñgez añlaşılmawçanlıqları Qıtaynıñ tışqı säwdäse öçen zur risk täşkil itä.

150 milliard dollarlıq investitsiyane zarur qıluçı liniyanıñ 2020nçe yılda zur külämdä xezmätkä kerä alaçağı häm 2030nçı yılda beterelä alınaçağı assızıqlana.

Fäqät İstanbul aşa Awrupağa barıp citäçäk däw proyektnıñ tormışqa aşırıluı öçen bar närsädän elek Urta Aziyä illäre arasında geopolitik kileşüneñ tä’min itelüe zarur.