Meksikada saylaw mitingında faciğa

Meksikada ilbaşına kandidat Xorxe Al’varez Mayneznıñ saylaw kampaniyäse mitingında säxnädäge zur metal êkran xalıq östenä kilep töşä häm säxnäneñ tübäse işelä. Berençel mäğ’lümatlarğa qarağanda, anda 5 keşeneñ ğomere özelä, 50se yaralana.

Meksikada 2nçe iyün’dä saylawlar uzaçaq. Kandidat Maynez Nuêvo Leon töbägendä axırğı mitingın uzdıra. Ul törkeme belän cıyılğan xalıqnı sälamlägändä qaza kilep çığa.

Waqıyğadan soñ Mayneznı kontrol’ öçen xastaxanägä salalar. Ul “X” akkauntında sälamätlegeneñ yaxşı buluın belderde.

Däwlät başlığı Andres Manuêl’ Lopes Obrador da sośial’ media aşa hälakät öçen tirän borçıluın citkerde häm ülüçelärneñ ğailäläreneñ qayğısın urtaqlaştı.