İzrail Dublin häm Oslo ilçelären qaytırğa çaqırdı

İzrail Fälästin däwläten tanıyacağın citkergän İrlandiya häm Norvegiyädäge ilçelären kire çaqıra. Tışqı êşlär ministrı İsraêl’ Kaś Dublin häm Oslodağı ilçelärgä söyläşü öçen kiçekmästän İzrailgä qaytırğa quşqan. Ul, ägär İspaniyä Fälästin däwläten tanu qararı çığarsa, Madrid ilçeseneñ dä çaqırılaçağın belderde.

İrlandiyädän soñ Norvegiyä tışqı êşlär ministrlığı bügen belderü yasap, xalıqara xoquqqa häm monıñ belän bäyle BMO İminlek şurası qararlarına turı kilüçe räweştä Fälästinne tanıyaçağın citkerde.

İspaniyä xökümäte räise Pedro Sançes ta ileneñ 28nçe mayda Fälästin däwläten räsmi räweştä tanıyaçağın beldergän ide.