Bäreleşlärdä küpme keşe ülde?

Bar dön’yadağı bäreleşlärdä 2023 yılda 33 meñ keşeneñ ğomere özelgän.

Bu san 2022 belän çağıştırğanda 72%ka kübräk.

BMOnıñ Gumanitar êşlärdän cawaplı ğomum särqätip urınbasarı häm aşığıç yärdäm koordinatorı urınbasarı Djoys Msuya BMO İminlek şurasında oyıştırılğan utırışta ğomum särqätip Antoniu Guterreşnıñ bäreleştä grajdannarnı saqlawğa qarağan yıllıq xisabı xaqında äğzalärenä mäğlümat birde.

Msuya 2023 yılnıñ tınıç xalıqlarnı bäreleşlärdän saqlap qalu mäs’äläsendä naçar yıl buluına iğtibarnı cälep itte.

“Ğazzä xalqınıñ 75%ı mäcbüri räweştä küçerelde. Ğazzädä 10 meñnärçä keşe üterelde häm balalarğa qarşı suğış başlatıldı. Sudanda da uzğan yılnı qurqınıç bäreleş çıqtı. 10 meñnärçä ğayepsez keşe üterelde häm meñnärçäse yaralandı,” – dide ul.

Djoys Msuya Kongo demokratik cömhüriyäte, Myanma, Nigeriya, Saxel’, Somali, Süriyä häm Ukrainada da däwam itüçe bäreleşlärneñ tınıç xalıqqa zıyan saluın citkerde.