Nigeriyadä balalar aç
İlneñ tön’yaq-könçığışında 5 million 900 meñ bala citärsez tuqlanu krizisı belän oçraşqan
Nigeriyaneñ tön’yaq-könçığışında 5 million 900 meñ bala citdi azıq-tölek häm citärsez tuqlanu krizisı belän oçraşqan. Bu isä bar dön’yadağı iñ yuğarı kürsätkeç bulıp tora.
Berlӓşkӓn Millӓtlӓr Oyışması Nigeriya başqalası Abudjada “Qorı sezonda azıq-tölek qurqınıçsızlığı häm tuqlanu krizisı planı 2024” isemle programma oyıştırdı.
BMOnıñ Nigeriyadäge gumanitar yärdäm häm xalıq koordinatorı Möxämmäd Fall programmanıñ açılışında ilneñ tön’yaq-könçığışındağı Adamava, Borno häm Yobe provinśiyaläreneñ däwam itüçe terror waqıyğalarınnan zıyan kürüen belderde.
Koordinatör bu provinśiyalärdä 5,9 million balanıñ citdi azıq-tölek häm citärsez tuqlanu krizisı belän oçraşuına häm monıñ bar dön’yada iñ yuğarı kürsätkeç buluına iğtibarnı cälep itep: “Bu provinśiyalärdä ayıruça 5 yäş’tän keçkenä 700 meñ bala citärsez däräcädä tuqlana,” – dide.