Rusiyädän Ukrainağa raketalı höcümnär

Rusiyä Ukrainanıñ Dnepropetrovsk töbägenä oyıştırğan raketalı höcümnärdä 8 keşe ülgän, 29 keşe yaralanğan.

Ukraina êçke êşlär ministrlığı Rusiyäneñ Dnepropetrovsk töbägenä raketalı höcüm oyıştıruın citkerde.

Dnepr şähärendä 5 qatlı bina zıyan kürgän. Bu höcümdä 2 keşe ülgän, 20 keşe yaralanğan.

Sinelnikove rayonında isä Rusiyäneñ höcüme näticäsendä 4 öy öleşçä cimerelgän, 10 öygä zıyan kilgän.

Älege höcümdä 2ese bala bulğan 6 keşeneñ ğomere özelgän, 6 keşe dä yaralanğan.

Şulay uq Rusiyäneñ töbäktäge Krivoy Rog şähärenä ut açuı näticäsendä 3 keşe yaralanğan.

Ukraina däwlät başlığı Volodimir Zelenskiy da sośial’ mediadağı akkauntında Rusiyä armiyase höcümnärendä Dneprda ber toraq binanıñ öleşçä işelüen, poyezd stanśiyaseneñ zıyan kürüen citkerde.

Krivoy Rog häm Sinelnikovedağı höcümnär belän bäyle isä Zelenskiy bolay dip yazdı: “Barlıq yaralanuçılarğa kiräkle yärdäm kürsätelä. Qızğanıç, ülüçelär bar. Ğailäläre häm yaqınnarınıñ qayğısın urtaqlaşam.”

Ukraina liderı: “Ukrainanı hawa saqlanu sistemaları belän täêmin itüçe här däwlät, partnyerlarıbıznı hawa saqlanu sistemalarınıñ skladlarda tügel, terrorçılar höcüme astındağı çın şäharlärdä urnaştırıluı zarurlığına ışandırırğa tırışuçı här lider, saqlanuıbızğa yärdäm kürsätüçe härkem keşelarneñ tormışın qotqara. Rus terrorçılığın ciñärgä kiräk. Bu barı tik ilebez, Ukraina xalqınıñ ğına tügel, ä global’ ixtıyac bulıp tora.”