Farsı qultığındağı köçle yañğırlar qorbansız uzmadı

Farsı qultığı regionında bulğan köçle yañğırlar arqasında Oman, Berläşkän Ğaräp Ämirlekläre, Baxreyn häm Yämändä bik küp keşeneñ ğomere özelde.  

Oman milli ğadättän tış xäl komitetı “X” sośial’ media platformasınnan yasalğan belderüendä yäşenle-yañğırlı hawa dulqınınıñ täêsire betüen, cimereklärne tözätü êşçänlekläreneñ däwam itüen citkerde.

Oman mäğ’lümat agentlığı “ONA” köçle yañğırlar kiterep çığarğan su basularda 19 keşeneñ ülüen, 4seneñ yuqqa çığuın xäbär itä.  

Berläşkän Ğaräp Ämirlekläreneñ êçke êşlär ministrlığı da śiklonnıñ täêsire betüen citkerde. Grajdanlı saqlanu törkemnäre yabılğan yullarnı açu öçen êşçänleklären däwam itä. İlneñ “Fly Dubai” hawa yulı şirkäte naçar hawa şartları säbäple tuqtatılğan oçışlarnı qabat başlawın xäbär itte. Berläşkän Ğaräp Ämirlekläreneñ milli meteorologiyä üzägennän monnan alda yasalğan belderüdä bu yawım-töşemnärneñ ilneñ zamança tarixında kürelmägän xäl buluı äytelgän ide.

Baxreyn räsmi xäbär agentlığı “BNA” köçle yawım-töşemnärdän soñ zararnı açıqlaw häm watandaşlar kürgän zıyannı kompensaśiyäläw êşçänlekläreneñ däwam itüen belderde.

Yämän räsmi xäbär agentlığı “SABA” ilneñ Xadramevt töbägendä bulğan su basularda 1 keşeneñ ğomere özelüe turında yaza.