Fälästingä teläktäşlek çaraları däwam itä

Dön’yanıñ här poçmağında Fälästinne xuplawçılar İzrailneñ Ğazzädäge küpläp üterülärenä qarşı çığa.

Amerika Quşma Ştatlarındağı Kolumbiya universitetında studentlar kampus êçendä telaktäşlek şähärçege iseme astında çatırlar qordı.

Kampus aldında çılbır barlıqqa kitergän studentlar İzrail höcümnäre tuqtağanğa qadär çaraların däwam itterergä qarar birde.

Angliyada da tağın ber qat İzrailgä qarşı çara uzdı.

Londonda yözlärçä Fälästin xuplawçısı parlament binası aldında cıyıldı. Rizasızlıq belderüçelär İzrailgä qoral satışınıñ tuqtatıluın soradı.

Êşçe partiyasennän xalıq ışanıçlıları da qatnaşqan çarada Angliya xökümäteneñ İzrailgä qoral satışı protest itelde. Xökümättän İzrailne ğayepläwe soraldı.

Şveśiyaneñ Malmö şähärendä cıyılğan protestçılar da İzrail törmälärendä totıluçı fälästinlelärneñ irekkä cibärelüen soradı.

Germaniya başqalası Berlinda da Fälästin tarafdarları uramğa ağıldı.

Aşığıç räweştä utnı tuqtatırğa çaqırğan rizasızlıq belderüçelär İzrailneñ Ğazzägä 7 oktäbr’dän bügengä qadär däwam itüçe höcümnären ğayepläde.