Rusiyä İranğa qorallanuda yärdäm itäçäk

Rusiyä İzrail höcüm itkän oçraqta İrannı yaqlarğa planlaştıra. “The Washington Post” gazetı yazğança, älege yaqlaw İrannı yaña buın oçqıçları häm hawa saqlanu raketa texnologiyäläre belän täêmin itü räweşendä bulaçaq.

Rusiyä häm İran arasında saqlanu mäydanında xezmättäşlek soñğı çorda ähämiyätle däräcädä arttı.  Rusiyä İranğa Su-35 oçqıçların birergä planlaştıra. Alarnıñ xäzerge waqıtta êlekkege Amerika häm Sovetlar Berlege oçqıçlarınnan toruçı İran flotın şaqtıy köçäytäçäge belderelä. Şul uq waqıtta, Rusiyä İranğa küzläw iyärçennären yasawda texnik yärdäm täêmin itä aluın häm alarnı ğalämgä oçırtuda qullanılaçaq raketalarnı citeşterü mäs’äläsendä dä teräk bulaçağın açıqladı.

“The Washington Post” älege xezmättäşlekneñ Rusiyä mänfäğat’lärenä dä xezmät itüen citkerä. Ul İrannan 2023nçe yıl axırında satıp alğan meñnärçä keşesez hawa apparatına östämä räweştä 2 milliard dollarlıq xärbi kiräk-yaraq alırğa äzer buluın belderde.

Monnan tış, Rusiyä häm İran berdäm qorallı keşesez hawa apparatı yasaw proyektı öçen êşçänleklären däwam itä.