Su basu qorbannarınıñ sanı artqan

 Äfganstanda soñğı 3 köndä bulğan su basu fäläkätendä 33 keşeneñ ğomere özelgän.

Bu xaqta Äfganstan waqıtlıça xökümäteneñ tabiğat’ afätlärennän cawaplı ministrlığı süzçese Molla Canan Saik xäbär itä.

Süzçe bilgeläp ütkänçä, soñğı 3 köndä 21 provinśiyädä su basular bulğan, 33 keşe ğomeren yuğaltqan, 27 keşe yaralanğan.

Su basu fäläkätendä 200 xaywan hälaq bulğan, 600 dän artıq yort öleşçä zıyan kürgän, qayberläre tulısınça cimerelgän, 2 meñ kvadrat metr awıl xucalığı cire qullana almaslıq xälgä kilgän.

Äfganstanda qış aylarında yawğan qarnıñ  könnär cılınu belän êrüe, köçle yañğırlar häm asqormanıñ citärlek bulmawı zıyannıñ artuına kiterä.

Äfganstanda här yıl yözlägän keşe bu säbäptän ğomeren yuğalta.