İran İzrailgä höcüm başlatqan

İran däwlät televideniyesenä kürä İnqıylap saqçıları armiyase tarafınnan höcüm belän bäyle belderge açıqlandı.

Beldergedä İzrailneñ 1 aprel’ könne İrannıñ Dimäşktäge konsullığına yasağan höcümenä cawap bularaq İrannıñ Berlӓşkӓn Millӓtlӓr Oyışması kileşüeneñ 51nçe maddäse nigezendä legal’ saqlanu xoquqı qısalarında İzrail yawlap alğan cirlärdäge xärbi urınnarğa höcüm başlatuı citkerelde.

Beldergedä bolay diyelä: “İran xaqların garantiya astına alu häm höcümçene cäzağa tartu maqsatı belän sionist terror armiyase yawı astında bulğan cirlärdä urnaşqan möhim xärbi maqsatlarğa höcüm itep, strategik küzläw çaraların, raketaların häm keşesez hawa apparatlarına uñışlı räweştä ut açıp, yuqqa çığardı.”

Amerika Quşma Ştatları tarafınnan İzrailgä kürsätelüçe yärdämgä işarät itelgän beldergedä tübändäge yullar bar: “Terrorçı Amerikan xökümätenä İrannıñ mänfäğat’lärenä zıyan kiteräçäk härtörle yärdäm kürsätelgän oçraqta İran Qorallı köçläreneñ täwäkkäl häm ükeneçkä iltä torğan reakśiyaseneñ bulaçağı mäs’äläsendä kisätü yasaldı.”

Beldergedä İzrailneñ ğamällärennän AQŞ citäkçelegeneñ cawaplı buluı häm İzrailgä kirtä quyılmağan oçraqta Tel’-Aviv häm Vaşington citäkçelekläreneñ monıñ näticälären küräçäkläre urın aldı.

İran räsmi xäbär agentlığı IRNA İnqıylap saqçıları armiyaseneñ İzrailgä ballistik raketa höcüme başlatuın däğwa itte.

İzraille räsmi zatlar isä İrannıñ İzrailgä ballistik raketa ırğıtuına qarağan bernindi êz bulmawın belderde.

İzrail armiyase ilneñ kön’yağındağı ber xärbi bazanıñ beraz zıyan kürüen, ülüçelärneñ bulmawın açıqladı.

Armiya tübändäge açıqlawnı yasadı: “İrannan 200dän artıq keşesez hawa apparatı, raketa häm ballistik raketa cibärelde. Alarnıñ kübese İzrail hawa kiñlege çitendä buldırmıy qalındı.”

İzrail däwlät media oyışması “KAN” citkergänçä  İran uzğan tönne yaqınça 100 ballistik raketa, 30 qanatlı raketa häm 160 kamikadze keşesez hawa apparatı belän İzrailgä höcüm oyıştırdı.

İrannıñ höcüme belän ber ük waqıtta İzrailgä Livannan da yaqınça 40, Yämän häm Ğıyraqtan da raketa häm keşesez hawa apparatı ırğıtıldı.