Guterreş İran – İzrail kiyerenkelegendä yaqlarnı tınıç bulırğa çaqırdı

Berläşkän Millätlär Oyışması ğomum särqatibe Antoniu Guterreş İran – İzrail kiyerenkelegendä yaqlarnı tınıç häm sabır bulırğa çaqırdı.

BMO süzçese Stefan Dujarrik köndälek matbuğat oçraşuında jurnalistlarnıñ sorawlarına cawap birde.

Dujarrik bilgeläp uzğança, Guterreş İrannıñ Süriyädäge konsullıq binasına höcüm itkän İzrailgä cawap qaytarırğa äzerlänüe turındağı xäbärlärne yaqınnan küzätep bara häm kiyerenkelekneñ tağın da köçäyä aluına borçıla.

Dujarrik töbäktäge yaqlarnıñ xärbi plannarı turında mäğ’lümatlar yuqlığın äytte häm ğomum särqatipneñ kiyerenkelekne kimetergä, tınıç bulırğa öndäwen citkerde.

İsegezgä töşeräbez: İzrail 1 nçe aprel’dä İrannıñ Dimäşq’täge tulı wäqalätle ilçelek kampusındağı konsullıq binasına hawa höcüme oyıştırğan ide. Bu höcümdä İran inqıylap saqçıları armiyäsennän barlığı 7, şul isäptän 2 general ğomeren yuğalttı.