Oçqıçnıñ dvigatel’ qapqaçı çıqqan

Amerika Quşma Ştatlarında Denver-X’yuston reysın başqaruçı yulçı oçqıçınıñ dvigatel’ qapqaçı urınınnan çıqqan.

Älege waqıyğa oçqıç hawağa kütärelgän waqıtta barlıqqa kilgän.

Federal’ aviaśiya departamentı “Boeing 737-800” törendäge yulçı oçqıçında barlıqqa kilgän waqıyğa belän bäyle belderü yasadı.

Belderügä kürä Sautvest Êyrlayns şirkäteneñ Denver-X’yuston reysın başqaruçı oçqıçnıñ dvigatel’ qapqaçı urınınnan çıqqan häm qanatqa bärelgän.

Sautvest Êyrlayns waqıyğadan soñ oçqıçnıñ imin räweştä Denverğa kire töşep utıruın häm X’yuston passajirlarınıñ başqa oçqıçqa utırtıluın belderde.

Älege hawa yulı şirkäteneñ 4 aprel’ könne Texastan kütärelüe kötelgän şul uq tördäge ikençe ber oçqıçınıñ dvigatelendä yanğın çığu arqasında reys ğamäldän çığarılğan ide.

Federal’ aviaśiya departamentı älege waqıyğalar belän bäyle tikşerülärneñ däwam itüen açıqladı.