Bel'giyä Fälästinne tanırğa äzer

Bel’giyä xökümäte räise urınbasarı Petra De Satter ileneñ Fälästin däwläten cäygä qadär tanuı kiräklegen äytte. Ul İspaniyäneñ dä şundıy uq maqsat quyuın xäterlätte häm Bel’giyäneñ dä bu adımnı yasarğa tiyeşlegen belderde.  

“Bäysez Fälästin däwläte häm anıñ BMOğa kerü öçen qabat yasağan täq’dimen räsmi räweştä tanuıbız zaruri,”-dide De Satter. Ul Fälästin xalqınıñ üz yazmışın bilgeläw xoquqın qullana alırğa tiyeşlegen assızıqladı.

İspaniya, İrlandiyä, Mal’ta häm Sloveniya 22nçe martta, tiyeşle şartlar barlıqqa kilsä, Fälästin däwläten tanırğa äzer buluların beldergän ide.

İspaniyä xökümäte räise Pedro Sançes ta 2nçe aprel’dä Fälästin däwläten cäygä qadär tanıyaçaqların citkerde.