Rusiyä "Taliban"nı terrorçı oyışmalar isemlegennän çığarmaqçı

Rusiyä tışqı êşlär ministrlığı “Taliban”nı terrorçı oyışmalar isemlegennän çığaru mäs’äläsen qarıy. Älege êşçänlek yustiśiyä ministrlığı belän bergä alıp barıla. Axırğı süzne xökümät äytäçäk.

Süz uñayınnan, Rusiyä däwlät başlığı Vladimir Putinnıñ Äfğanstan maxsus wäkile Zamir Qabulov “Taliban” wäqalätleläreneñ Tatarstanda uzaçaq “Rusiyä -İslam dön’yası: QazanForum” çarasına çaqırıluın häm qatnaşırğa niyätläre barlığın belderde. Älege cıyın Mäskäw belän islam dön’yası däwlätläre arasında iq’tisadi xezmättäşlekne üsterü platforması rolen başqara. “QazanForum” 14nçe-19nçı may könnärendä Tatarstan başqalası Qazanda uzaçaq.

Qabulov Rusiyäneñ Äfğanstandağı “Taliban” xökümäte belän xalıqara terrorçılıqqa qarşı köräş mäs’äläsendä xezmättäşlek itüen dä äytte.