İspaniya Fälästinne tanıyaçaq

İspaniya xökümäte räise Pedro Sançes Fälästin däwläten tanıyaçaqların citkerde. Ul Yaqın Könçığışqa 3 könlek säfäreneñ berençe tuqtalışı Yordaniyägä barışlıy oçqıçta jurnalistlarğa belderülär yasadı.

Sançes İzrail belän “Xamas” arasındağı bäreleşlärgä nisbätle aprel’dän iyün’ ayına qadär xalıqara cämäğat’çelektä ähämiyätle täräqqıyät’lär bulacağına ışanuın, kiläse atnalarda BMOda Fälästinne tulı äğ’za itep tanunı maqsat itep quyğan söyläşülärgä iğ’tibar itü kiräklegen söyläde.

Ul İrlandiyä, Mal’ta häm Sloveniyä xökümäte räisläre belän, döres şartlar täêmin itelgän xäldä, Fälästin däwläten tanu öçen çığarğan urtaq qararlarınıñ cäygä xätle tormışqa aşırılacağın da äytte. İspaniyä başta bu qararnı Ministrlar kabinetında qarayaçaq, annarı parlamentqa täq’dim itäçäk.

Şançes fikerençä, İzrail belän “Xamas” arasındağı suğışta töbäkkä tınıçlıq häm iminlek kiterüneñ berdänber yulı - Fälästin däwläten tanu.

İspaniyä xökümäte räise Yordaniyädän soñ Soğud Ğaräbstanı häm Qatarğa da säfär yasıy.