“Hamas” häm “İslam cihadı” xäräkätläre belderü yasadı

“Hamas” häm “İslam cihadı” xäräkätläre İzrail belän söyläşülär uñışlı bulsın öçen, Ğazzädä yäşägän urınnarınnan kitärgä mäcbür itelüçelärneñ öylärenä kire qaytuın da kertep, 4 şartnıñ ütälüe kiräklegen belderde.

“Hamas”nın säyäsi byurosı räise İsmail Xäniyyä belän “İslam cihadı” ğomum särqatibe Ziyad än-Näxxalä citäkçelegendäge delegaśiyälär İran başqalası Tähranda oçraştı.

“Hamas” tan belderülärençä, İzrail belän söyläşülärneñ uñışlı tögällänüe öçen Ğazzädä höcümnärneñ tulısınça tuqtatıluı, basıp aluçı köçlärneñ annan çığuı, xalıqnıñ yäşägän urınnarına kire qaytuı häm yärdämnärneñ özleksez kertelüe şart. Belderüdä Yordannıñ basıp alınğan könbatış üzänlegendäge basqınnar häm höcümnär, Qudüs häm Äl-Aksa mäçetendäge xoquq bozular küz uñına alınğanda, Fälästin xalqınıñ İzrail belän turıdan-turı bäreleş xälendä buluı assızıqlana. Bu bäreleş alannarında qarşılıq kürsätüneñ barlıq formalarına möräcäğat’ itärgä kiräklege äytelä. Belderüdä İslam ömmäten İzrailneñ här kön başqarğan üterülärenä qarşı açuın kürsätergä häm qanuınlı yullar belän moña cawap birergä çaqıralar.