Êverestqa menüçelärgä GPS tağu mäcbüri

Nepal dön’yadağı iñ biyek taw Êverestqa menüçelärgä GPS (global’ urınnı bilgeläw sisteması) cihazı tağunı mäcbüri qıldı. Bu al’pinistlarnıñ adaşu yäisä qar taşqını arqasında ülüen buldırmaw öçen kiräk.

Nepallı wäqalätlelär tawğa menüçelärneñ yannarına kurtkaları êçendä yörtä aluçı, êlektrğa ixtiyacı bulmağan keçkenä GPS cihazı aluların zaruri xälgä kiterde. Alar qar astınnan 20 metr tiränlekkä qadär signal cibärä.

Tawçılarnıñ üzlärennän soñ tonnalarça çüp qaldıruı da nepallı wäqalätlelärne borçuğa sala. Xäzer alarğa barlıq qaldıqların kire üzläre belän alıp töşü mäcbüri. Xätta tualetqa çığu öçen dä al’pinistlarğa maxsus paketlar birelä. Anıñ êçendä qaldıqlarnı qatılaştıruçu häm isen beterüçe ximik matdä bar.

Tawçılarğa 6 tapqır qullanıla aluçı 2 paket birelä häm alar kire qaytqaç kontrol’ itelä.  

Nepal al’pinizm cämğıyäte farazlarına qarağanda, bu sezonda Êverestqa 1200 keşeneñ kütärelüe kötelä.