Tailandta maymıllarnı cıya başladılar

Tailandta “maymıl şähäre” dip tä yörtelüçe Lopburida soñğı yıllarda üskän maymıl krizisı däwam itä. Anda, Kovid-19 çorında turistlar sanı kimegäç, maymıllar aşaw êzläp şähärne basıp ala. Bu anda yäşäwçelärneñ köndälek tormışına naçar täêsir yasıy.

Aşaw tabu öçen şähärdäge öylär häm kibetlärgä kerüçe maymıllar qaywaqıtta keşelärneñ qullarındağı sumkaları häm paketlarına da taşlana.

Tailand tabiğıy baylıqlar häm êkologiyä ministrlığı bu mäs’älä belän bäyle belderü yasadı. Anda maymıl höcümnärenä duçar buluçılarğa kompensaśiya tülänäçäge, Lopburi şähärendäge maymıllarnıñ sanı êtaplap kimeteläçäge äytelä.

Älege belderüdän soñ oyıştırılığan operaśiyädä Tailand milli parklar häm qırğıy tormışnı saqlaw idaräse berämlekläre şähär üzägendäge maymıllarnı cıya başladı.

Cirle xalıq maymıllar birgän uñaysızlıq arqasında bik küp keçe şirkät häm ğailäneñ küçenergä mäcbür buluın belderä. Sośial’ mediada “maymıl awı”na qarşı çığuçı törkem isä maymıllarnıñ Lopburi şähäreneñ tarixi häm tradiśion simvolı buluın alğa sörä.