Keniyada sekta qorbannarı
Aç torıp ülgän sekta qorbannarınıñ mäyetlären ğailälärenä tapşıra başladılar
2120721
Keniyada “aç torıp Ğaysä päyğambär belän oçraşaçaqları” turındağı süzlärgä ışanıp ülgän sekta qorbannarınıñ mäyetlären ğailälärenä tapşıra başladılar. Xökümättän belderülärençä, Malindi şähärendä barlığı 429 şundıy mäyet bar. Alarnıñ şäxeslären DNK analizı belän açıqlağannar.
Älege sektanı oyıştırğan pastor Pol Makkenziğa qarata cinayät’ êşe uzğan yılnıñ aprel’ ayında açılğan ide. Ul üz çirkäwenä yörüçelärne aç torıp Ğaysä päyğambär belän oçraşa alularına ışandıra. Bu bik küp keşeneñ ülemenä kiterä.
Çirkäw urnaşqan Şakaxola urmanında 429 mäyet tabıla. Alarnıñ 238eneñ ölkän häm 191eneñ bala buluı açıqlana. Maxsus operaśiya barışında sekta qulındağı 100 keşene qotqaralar. Kümäk ülemnär belän bäyle räweştä bik küp keşe qulğa alındı.
