Angliya Rusiyäneñ ğayepläwlären kire qağa
Rusiyä xökümäte Mäskäwdäge terraktnıñ artında AQŞ, Angliyä häm Ukrainanıñ buluın alğa sörä
2120738
Angliyä tışqı êşlär ministrı Dêvid Kêmeron Rusiyä citäkçelegeneñ başqala Mäskäwdäge konśert zalında bulğan terrorçı höcümeneñ artında Könbatış häm Ukrainanıñ toruı turındağı süzlären “safsata” dip bäyäläde. “Bu höcümneñ berdänber cawaplısı DEAŞ buluın açıq itep kürsätkän AQŞ belderülären yaqlıybız”,-dide ul.
Rusiyä federal’ iminlek xezmäte citäkçese Aleksandr Bortnikov jurnalistlarğa yasağan belderüendä Mäskäwdäge terrorçı höcümeneñ artında AQŞ, Angliyä häm Ukrainanıñ buluın alğa sörde. “Bu ğomumi mäğ’lümat, tik alarnıñ da monnan tabışları zur”,-dide ul.
Rusiyä tikşerü komitetı höcümdä 139 keşeneñ ğomere özelüen citkerde. Waqıyğada 100dän artıq yaralanuçı bar. Höcümne yasağan 4 terrorçını da kertep 11 keşene saq astına aldılar.
