Mäskäwdäge waqıyğada ülüçelär sanı arta

Rusiyä başqalası Mäskäwdä comğa könne könśert zalında bulğan terrorçı höcümendä ülüçelärneñ sanı 139ğa citte. İlneñ tikşerü komitetı citäkçese Aleksandr Bastrıkin älege waqıyğa belän bäyle utırışta çığış yasadı. Anda Rusiyä däwlät başlığı Vladimir Putin da qatnaştı.

Bastrıkin terrorçılarnıñ konśert zalına 19 säğat’ 58 minutta kerülären häm 20 tulıp 11 minutta binadan çığuların, êläkterelgän şöbhälelärneñ ğayeplären tanuların söyläde. “Höcüm näticäsendä 139 keşeneñ ğomere özelde, 75eneñ şäxese açıqlandı. Ülüçelär arasında 3 bala da bar”,-dide ul. Bastrıkin yaralanuçılarnıñ 182 buluın belderde.

İsegezgä töşeräbez, Mäskäwdä 22nçe mart könne terrorçı höcüme oyıştırıldı. Sośial’ mediada urtaqlaşılğan videolarda höcümçelärneñ avtomatlar belän binağa kerep tirä-yün’däge keşelärgä ata başlawı kürenä.

Höcüm öçen cawaplılıqnı üz östenä terrorçı oyışması DEAŞ aldı. 7 keşe saq astına alındı.