Germaniyada uttan çıqqan faciğa
Yanğında ber ük ğailädän 4 keşe yanıp ülä
2120143
Germaniyäneñ Solingen şähärendä 4 qatlı binada çıqqan yanğında 4 keşeneñ ğomere özelde, alarnıñ 2se bala. Waqıyğada 9 keşe törle cäräxätlär ala.
Poliśiyä idaräsennän belderülärençä, yanğın iske binada kilep çığa. Säbäbe älegä açıqlanmağan.
Yanğın sünderüçelär utnıñ 4 qatlı binanıñ 2nçe qatında çığuın citkerä. Öske qatlarda yäşäwçelär yoqlağan kileş êlägä. Ülüçe 4 keşe ber ük ğailädän. Poliśiyä alarnıñ şäxesläre turında mäğ’lümat citkermi. Şul tirädä yäşäwçelär isä Bolgariyä watandaşları buluın äytä.
Binadan 21 keşene qotqaralar. Töten belän ağulanğan keşelärne xastaxanägä ozatalar.
