Tay-çi sportı Parkinsonnı çigenderä

Tay-çi künegüläreneñ Parkinson awıruı simptomnarın äkrenäytä aluı açıqlandı.

“Daily Mail” gazetınıñ xäbärenä qarağanda, Qıtay ğalimnäre 2016nçı yıldan 2021gä qadär 334 Parkinson xastasın küzätä. Alarnı baştan uq 2 törkemgä bülälär. Törkemnärneñ bersenä atnada 2 tapqır berär säğat’ Tay-çi künegüläre yasattıralar, ikençe törkem isä, ğadättägeçä, daru belän däwalana.

Bu qısalarda, Tay-çinıñ baş miyeneñ xäräkätlärne kontrol’ itüçe öleşendäge küzänäklärneñ êşlämäwe näticäsendä kilep çığuçı Parkinsonnıñ simptomnarın aqrınaytuı kürenä.

Şanxaynıñ Śzyao Tun universitetınıñ mediśina fakul’tetı tikşerenüçese Gen Li beldergänçä, künegülärne başqaruçılarnıñ yoqı häm yäşäw sıyfatı da yaxşırğan.

Tikşerenü näticäsendä, Tay-çinıñ Parkinson xastalığına uñay täêsiren ozaq waqıt saqlawı, yörü, tigezlekne saqlaw häm xäter mömkinlekläre şikelle simptomnarnı äkrenäytüçe yoğıntısı buluı açıqlana.

Parkinson awırularınıñ 96%ı 50 yäş’tän ölkän. Älege xastalıq dön’yada 10 millionnan artıq keşedä kürelä.

Tay-çi köräş sänğat’lärenä nigezlänüçe borınğı Qıtay mediśinasınıñ ênergetik künegüläreneñ ber öleşe bulğan fizik disśiplina.