Kön’yaq Afrika cömhüriyätendä 41 çaqrımlıq marş

Dön’ya külämennän meñnärçä keşe Kön’yaq Afrika cömhüriyäteneñ Keyptaun şähärendä Ğazzädä utnı tuqtatuğa çaqırıp 41 çaqrım yul yörde. Bu - Ğazzä sızığınıñ ozınlığı. Çara çirkäwlär häm xristian cämğıyät’läreneñ çaqıruı belän uzdırıla. Anda 20 il häm 160 şähärdän meñnärçä keşe qatnaşa.   

Pasxa atnasınnan alda xristian dini motivları belän ütkärelgän çara qısalarında yörü Simons Taun şähärçegendä başlana häm Keyptaun üzägendä tögällänä.  Qatnaşuçılar Fälästin bayraqları kütärä häm ğazzälelär öçen doğa uqıy.